Коммуналь хезмәтләрен түләмәүчеләрнең эше судка китә

Анда бердәм исәп-хисап үзәге (Единый расчетный центр), «Төзекләндерү» («Благоустройство»), район күптармаклы торак-коммуналь хуҗалыгы, «Идарәче» («Управляющая») компаниясе һәм Чепья күптармаклы торак-коммуналь хуҗалыгыннан вәкилләр катнашты.

Коммуналь түләүләрен вакытында түләмәүчеләрнең уртак әҗәте 2 миллион 500 мең сумга тулган. Кызганычка каршы, алар арасында күпбалалы гаиләләр дә бар. Ләкин алар әлеге статусларын өстенлек итеп куймасын иде. Чөнки коммуналь хезмәтләр һәркемгә вакытында бирелә, шуңа да түләүләр дә вакытында кереп бару зарур. Утырышта вакытта катнашучылардан шундый фикер дә ишетергә туры килде, кайбер түләмәүчеләрнең кредитлары күп булу сәбәпле квартплатага акчалары калмый икән. Ләкин бит һәркем ниндидер кредит алганда барлык керемнәрен һәм чыгымнарын уйлап эш итәргә тиеш. Шуңа да хезмәт күрсәтә торган оешмалар түләмәүчеләрнең эшләрен судка әзерли башлаганнар, андыйлар өчен шулай итеп булса да аң кертергә тели алар.