Россия көне уңаеннан Балтачта үткәрелгән бәйрәмнән фотомизгелләр

Бүген "Сабантуй" ял паркында бәйрәм һәм спорт чаралары гөрләде. Пляж волейболы һәм футболы ике җирдә паралель рәвештә барса да, һәрберсенең җанатарлары күп иде. Көндәшләренең уенын күзәткән арада егетләр һәм кызлар көчле якларын күреп, үзләренә шуннан файдалану чарасын эзләде. Әти-әниләре төрле ярышларда катнашкан вакытта балалар мәйданчыкта рәхәтләнеп уйнады. Ә ачылыш вакытында бөтен халык зур мәйданга җыелып, район башлыгының котлавын тыңлады, бүләкләнүчеләргә көчле алкышлар яудырды һәм яңадан ярышларны дәвам итәргә үз мәйданчыкларына таралышты.