Мәдәният
Бөтенесе - телефонда,
Бөтен тормыш күз алдында,
Язышабыз ватсап аша,
"Контакт"та әниләре,
Шахмат, шашка уйнап үсте
Гөрләп торыр иде өйләр,
Токмачлы аш исе чыккан,
Атнага бер "Ну, погоди"
Хәзер бала-чага эшсез -
Җанлы аралашу бетте,
ТЕЛЕФОНЛЫ ТОРМЫШ
Телефон бөтен кешедә, Телефонсыз юк тормыш. Бармаклар гына чыдасын, Ышкыйбыз да ышкыйбыз. Бөтенесе - телефонда, Ачабыз да карыйбыз, Инде башка районның да Кешеләрен таныйбыз. Бөтен тормыш күз алдында, Куя бар да фотосын. Беләбез кем нәрсә ала, Яки нәрсә сатасын. Язышабыз ватсап аша, Юк вакыт сөйләшергә. "Контакт"та өч йөз дус бар,...
Телефон бөтен кешедә,
Телефонсыз юк тормыш.
Бармаклар гына чыдасын,
Ышкыйбыз да ышкыйбыз.
Бөтенесе - телефонда,
Ачабыз да карыйбыз,
Инде башка районның да
Кешеләрен таныйбыз.
Бөтен тормыш күз алдында,
Куя бар да фотосын.
Беләбез кем нәрсә ала,
Яки нәрсә сатасын.
Язышабыз ватсап аша,
Юк вакыт сөйләшергә.
"Контакт"та өч йөз дус бар,
Бер дус юк янәшәдә.
"Контакт"та әниләре,
Танк уйный атасы.
Кемнәр белән, нишли, белми
Кайда йөри баласы.
Шахмат, шашка уйнап үсте
Безнең буын кичләрен.
Әтиләр газет укыды,
Тәмамлагач эшләрен.
Әни носки бәйли иде,
Әни носки бәйли иде,
Әби җеп җегерләде...
Күрәм, бар да үткәненең
Шул чагын хәтерләде.
Гөрләп торыр иде өйләр,
Өй саен дүрт-биш бала.
"Рекорд" телевизорыннан
Футбол йә хоккей бара.
Токмачлы аш исе чыккан,
Каен утыны - мичтә.
Бөтенебез җыелышкан,
Әй, матур иде кичләр.
Атнага бер "Ну, погоди"
Йә "Маугли" күрсәттеләр.
Безгә китап та алдылар,
Тышта да эшләттеләр.
Хәзер бала-чага эшсез -
Тормыш, шөкер, бик җайлы,
Газлы, утлы, машиналы,
Телефонлы, айфонлы.
Җанлы аралашу бетте,
Телефонның юк җаны.
Балалар зомбилашалар,
Ни көтә оныкларны?!
Руфия МИФТАХОВА.
Балтач районы,
Арбор авылы.
tatyash.ru
tatyash.ru
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Оставляйте реакции
Теги: 250
Нет комментариев