Мәдәният
Ә концертка килсәк, ул искиткеч матур булды. Биредә бар да бар иде - җыры да, биюе дә, уен-көлкесе дә… Тальянчылар ансамбле күңелләрне җилкендереп, концертка аерым төсмер бирде.
«Уңган кеше кылны кырыкка ярыр», ди сосналылар (+фоторепортаж)
«Хезмәтем һәм җыр-моңнарым, Балтачым, сиңа багышлана!» дип аталучы иҗади бәйгенең дилбегәсен бу юлы «Сосна»лылар алган иде. Алар концертны тамаша кылырга килгән һәркемне «Уңган кеше кылны кырыкка ярыр» дигән бик матур күргәзмә белән каршы алды.
Биредә әлеге җирлектә яшәүчеләрнең кул эшләре, мәктәп укучыларының спортта һәм укуда алган уңышлары өчен бирелгән бүләкләре һ.б. урын алган иде. Төрледән-төрле, җан җылысын биреп эшләнгән кул эшләре сосналыларның күңел көзгесе кебек, хуҗалары турында күп кенә мәгълүмат бирде.
Ә концертка килсәк, ул искиткеч матур булды. Биредә бар да бар иде - җыры да, биюе дә, уен-көлкесе дә… Тальянчылар ансамбле күңелләрне җилкендереп, концертка аерым төсмер бирде.
Зал тулы тамашачы үзешчән артистларыбыз чыгышларын алкышларга күмде. Чөнки туган якка дан җырлау, аның өчен чын күңелдән биеп, төрле күренешләрне чын артистларча тасвирлап бирү, бик азларга гына табигать тарафыннан бирелгән сәләттер һәм сосналылар аның үзләрендә барлыгын тулы куәтенә исбатлады.
Баш мөхәррир фотолары.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев