Балтач урта мәктәбенең 90 елллык юбилее уңаеннан, китап чыгарачаклар.
Быел Балтач урта мәктәбенең 90 еллык юбилее. Шул уңайдан күп китаплар авторы һәм мәгариф ветераны Мәгъсүм Мөхәммәтҗанов әлеге белем йорты турында китап нәшер итәчәк.
Билгеле, китап чыгару бер кеше тарафыннан гына башкарылмый. Мәгъсүм аганың да ярдәмчеләре бар. Китапның редакторы - мәктәпнең тәрбия эшләре буенча директор урынбасары Руфия Закирова. Шулай ук әлеге изге эшкә мәгариф ветераны, шагыйрә Ильмира Кузьмина да ярдәм кулы сузарга теләк белдергән.
Бүгенге көндә китапның кулъязмасы төгәлләнү алдында. Ул ноябрь аенда үтәчәк юбилейга әзер булачак.
Без исә түземсезлек белән бай тарихлы Балтач урта мәктәбе турындагы китапның табадан төшүен көтәбез.
Нет комментариев