Балтач боксчылар Кукмарада танылды (+фото)
Спорт

Балтач боксчылар Кукмарада танылды (+фото)

21-23 апрель көннәрендә Кукмараның "Зилант" спорткомплексында бокс буенча «6 номерлы ачык турнир» үтте.

Яшьләр арасында боксны популярлаштыру, спортчыларның дуслык элемтәләрен ныгыту максатында үткән ярышларда Мамадыш, Нократ Аланы, Кукмара, Балтач командалары көч сынашты.

Ике көн дәвамында барган ярышларда Балтачның яшь боксчылары сер бирмәде. Әмма:
- Ирешелгән уңышлар чик түгел иде. Пьедастальның беренче баскычына күтәрелергә мөмкинлекләр күп булса да, егетләребез әллә каушады, әллә әзерлек җитмәде, - ди тренерлары Фаил Фәсыйхов.

Тик шулай да мондый масштаблы ярышларда икенче урын да зур җиңүгә тиң. Егетләребезнең копилкаларын тагын бер медаль һәм диплом баетты. Менә кемнәр алар: Рахман Газизуллин, Әмир Нигъмәтуллин, Раил Гыйләҗетдинов - беренче, Рамазан Газизуллин, Инсаф Шакиров, Әмир Салихҗанов, Азат Мөхәммәтгалиев, Салават Шакирҗанов икенче призлы урын яулады.


250

Нет комментариев