Балтачка картингчылар җыелачак

Балтач районы ЮХИДИ бүлеге, “Юл хәрәкәте куркынычсызлыгы” оешмасының Балтач бүлеге һәм ДОСААФ оешмаcы тарафыннан 6 март көнне сәгать 9да Балтач сөт-май комбинаты янындагы мәйданда яшьләр арасында картинг ярышлыры уздырылачак. Ул Ватанны саклаучылар көненә hәм 8 март Халыкара хатын-кызлар бәйрәменә багышланачак. Ярышлар 4 төрле машиналарда үткәреләчәк: “Стриж”, “Хонда-200” (8-14 яшьтәге егетләр һәм кызлар), “Хонда-270” (12-17 яшьлекләр), “125” (13-17 яшьлекләр). Ярышларда күрше районнардан да катнашучылар көтелә. Катнашучыларга көч бирү өчен 6 март көнне ярышларда көтеп калабыз.

Балтач районы ЮХИДИ бүлеге