Балалар бәйрәме сездә уздымы?! Ә менә бездә узды! (+фоторепортаж)

Һәр елны уза торган бу бәйрәм быел да үзенә бик күп сабыйларны җыйды. Елак көнгә бирешеп тормады, сабыйларыбыз җырлады-биеде, уйнады-көлде. Тәрбияче апалар оештырган уеннар аларның күңелләренә аеруча да хуш килде. Район балаларын бәйрәм белән котларга район башкарма комитеты җитәкчесе урынбасары Илһам Гайнетдинов, мәгариф идарәсе җитәкчесе Алия Зәкиева килде. Илһам Фидаилевич велосипедларын матур итеп бизәп алып килгән балаларны бүләкләде, Алия Юнысовна исә бик эчтәлекле, матур шигырь укып, күңелләрне нечкәртте. Мондый бәйрәм һәр авыл җирлегендә дә оештырылгандыр, шәт.

Бәйрәмнәребез матур уза хәзер, балаларыбызның бүгенге һәм киләчәк тормышлары да бәйрәмнәр кебек ямьле узсын иде, күгебезне кара болытлар капламасын, сәламәтлек ташламасын! Бәхетле көннәр, якты киләчәк сезгә кадерлеләребез!