Хөрмәтле укучыларыбыз! Яңа елдан газетабызда әнә шундый яңа рубрика ачарга булдык. Максатыбыз төрле гаиләләрдә үсеп, төрле тәрбия алып, бер нигезгә килен булып төшкән һәм шул көннән башлап, бер-берсе белән кыз туганнардай дус-тату булган, иң якын сердәшләргә әйләнгән килендәшләрне табу, аларны райондашларга таныту, яшьләргә үрнәк итеп күрсәтү.
Ышанабыз, янәшәбездә андый үрнәк-өлге булырлык килендәшләр бик күп, сезнең тарафтан кызыклы язмышлы, мавыктыргыч хатлар киләсенә тамчы да шикләнмибез. Бәлки бер йортка кайчандыр дуслар булган кызлар килен булып төшкәндер, бәлки апалы-сеңелле кызларга килендәшләр дә булу бәхете елмайгандыр, бәлки... Әйдәгез, авылыбыз урамнарын бер әйләник, танышларны барлыйк та, кулга каләм алыйк.
Нет комментариев