Карга үлеме дип кенә карамыйк...

Андый чакта безнең әбиләр хәерлегә була күрсен, дип әйтергә кушалар иде. Еш яуган яңгырларга бойкот игълан итеп очулары идеме, юеш көннең зәхмәте дигәндәй, берсе электр чыбыгына эләгеп, мәтәлә-кадала багана төбенә үк килеп төште, һәм шунда җан бирде. Яңгырлы көннәрдә электр баганалары тирәли чыр-чу килеп уйнап йөргән бала-чаганы кисәтү кебегрәк кабул иттек без моны. Көн болытлы, яңгыр тагын яварга ихтимал, дип, бала-чаганы өйдә бикләп тотып булмый, урамга омтылалар. Иминлек чаралары күрелсә дә, балаларыбызны электр баганаларына якын китертмәү хәерле. Каргалар күктә бәлагә юлыкса, адәм баласы җирдә бәла-казага очрый күрмәсен.