Комзаводлылар өчен мобиль бригада эшләгән

Аның төп максаты авыл халкын социаль өлкәдәге яңалыклар белән таныштыру. Җәй көне авыл халкының эше күп булганлыктан, ерак авылларда үткәрелә торган әлеге мобиль бригадалар халык өчен бик файдалы. Шуңа да алар һәрбер кызыксындырган сорауларына тулырак җавап алып, әлеге игелекле хезмәт ияләренә рәхмәтләрен дә ирештереп калырга ашыгалар. Ә менә балалар өчен әлеге көн җитди мәсьәләләрне хәл итү белән генә төгәлләнмәде, алар өчен махсус уеннар оештырылып, малайлар һәм кызларның күңелләре күрелде.