Су буенда – урман кошлары

Таң атканда ишетсәң аларның тавышларын, исең-акылың китә. Беркөнне үзем дә таллыкта сайрар кошларны күзәтеп йөрдем, чыпчык белән сыерчыкны гына күреп үскәч, миңа кызык тоелды. Карлар төшкәч миләш чүпләргә генә килүче кош та пырхылдып очып китә, әнә, бер кошның күкрәгенә зәңгәр тәтәй төшкән, коңгырт төстәгесенекенең койрыгы карлыгачныкы кебек...фотога гына төшереп булмый, кисәк очалар да китәләр. Моңа җирле халык та игътибар итә. "Су буйлары тыныч хәзер... элекке кебек бала-чага уйнамый, су коенган кеше юк. Каз-үрдәкләр сирәк, кер чайкамыйлар. Шуңа урман кошлары бирегә килә дә инде", ди алар. Тып-тын калган су буйларына урман кошлары ямь кертсә генә инде.

Фото: turizm.lib.ru