Трассада ике «КамАЗ» бәрелешкән, машина йөртүчеләрнең берсе үлгән

17 декабрь 2025 - 18:46 Автор:

Автор

596

Юл-транспорт һәлакәте нәтиҗәсендә йөк машинасы йөртүчесе үлгән

Татарстанның Әлмәт районында 35 яшьлек «КамАЗ» йөртүчесе каршы як полосага чыккан һәм икенче «КамАЗ» белән бәрелешкән. Аның белән 58 яшьлек ир-ат идарә иткән.

Юл-транспорт һәлакәте нәтиҗәсендә 58 яшьлек йөк машинасы йөртүчесе урында ук үлгән.

Булган хәлнең шартлары ачыклана диелә хәбәрдә.